Marlungun ahu, Inang :saut poltak tambunan

8 Nov

Sian ria ni urdot marinjak-injak di lantai dansa on, songgop di pingkiranku patmu simanjojak,  Inang, nang tanganmu simangula na so marhasoan i. Di pilngas ni hauma tonga ari marlinggom ho piga hosa huhut mamola soban, martugo sasada ho disaong bulung ni bulu di batangi. Marhite i do ho, Inang,  mangajarhon benget marhodok mula-ulaon, marhais manjomput tuduhon ni ianakhonmu, di huta nang parserakan.

Sian pangeol ni angka donganku na uli marlupa lungun di humirdop lampu on, taringot aku di ngilut ni abaram, Inang, disi do gorga panghongkopmu manggogohon na ingkon parsidohot ianakkonmu di pargulutan ngolu sogot. I do alana. Inang, mandao ho sian hapian di angka ugasan na marhillong I, ai anakhonmi do mora, sangap dohot gabe di ho, di huta nang di parserakan.

Di galas bir naung papigahon on, targombar simanjujungmu, Inang, bohim dohot engkelmu, disi do mian mansai leleng nipi dohot urat ni  nasa pinarsintam, tu si do manorus hodok nang ilumi, Inang, asa boi paborhat ianakhonmu mangalugahon soluna be di tao parngoluan marsogot, di huta nang di pangarantoan.

Di angka nomor na ganjang marbaris-baris tarsurat di harotas ‘bill’ si gararon on, huida ma ho marsinggang tonga borngin, Inang, di redep ni angka ianakhonmu modom marbulusan, mangigil ho nanget sian serep ni roham marhite tangiangmu: “… angka ianakhonku, Ale Tuhan Debata, di huta nang di parserakan…!”

***

Spt,  Okt 2011

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: